نكت علي الماشي

شويه نكت جاااااااااامده اخر حاجه




اتنين
حراميه دخلوا شقة بليل .. صاحب الشقة صحى فجأة فواحد منهم استخبى فى
البلكونة والتانى استخبا فى الحمام .. شوية وصاحب البيت دخل البلكونة ومسك
الاولانى وقاله انت بتعمل ايه هنا ؟؟؟ فالحرامى قاله استنى بس هفهمك ..
أأ..أأأ...أنا من سلاح الطيران فى الجيش وكنت بحارب اليهود بالطياره لكن
صاروخ جه فيا فنزلت بالبراشوت في البلك...ونة دى ... الراجل قاله : ايوه أهو انت كده بطل ، مش التاني اللي نايملى في البانيو ويقولى ضفادع بشريه


واحدة
رفيعه اووووى ومش بيجلها عرسان خالص من رفعها .. امها جاتلها فكرة انها
تجيب جرايد كتير و تلفها حولين البنت من تحت الهدوم كده فـ تبان تخينة
شوية .. واحد شافها وعجبته واتجوزها وليلة الدخله كل ميشيل جرنال يلاقى
واحد تحته ، يشيله يلاقى جرنال تحته.. سابها وراح اتصل بحماته وقالها :
ايه يا حجه ؟ هيا بنتك على الصفحة كام


واحد
كل يوم يعدى على مطعم ويسأل الطباخ عندكوا كيكة الطماطم ؟ فيقوله الراجل
لاء فيجى تانى يوم يسأله عندكوا كيكة الطماطم؟ فالراجل يقوله لاء .. ويجى
تالت يوم يعمل نفس الحكاية .. فالراجل زهق و قال لما اعمله كيكة طماطم و
امرى لله .. جه تانى يوم وقاله عندكوا كيكة الطماطم ؟ فالراجل قاله ايوا
يا سيدى .. قاله : يععععععع بتاكلوها ازاى دى ؟؟؟


تلاتة صحاب اتفقوا على رهان مين فيهم ندل اكتر من التانى .. واحدة عجوزة كركوبة ماشية فى الشارع راح الاولانى واخد منها العصاية وكسرها .. التانى شاف كدة اتغاظ راح ماسكها وهراها ضرب .. التالت شاف كل ده وبيضحك ويشاور عليها سألوه بتضحك ليه قالهم اصلها تبقى امى
يلا ززززززززززز بقى


زوجة صحيت من النوم في نص الليل، مالقيتش جوزها في الأوضة
خرجت تدور عليه لقيته في الصالة واقف قدام النتيجة الي ع الحيطة ببص في التاريخ وبيعيط
بتقول له مالك يا حبيبي فيه ايه ؟
قال لها فاكرة من خمسة وعشرين سنة لما باباكي اكتشف اللي بينا وقال لي لو ما اتجوزتهاش دلوقتي انا حادخلك السجن تاخد تأبيدة ؟؟
قالت له طبعا فاكرة ودي حاجة تتنسي ؟
قا لها وهو بيعيط أهو لو كنت اتسجنت، كان زماني اخدت افراج النهاردة

--------------------------
بيقولك مرة فار ماشى مع خطيبته فى الغابة وفجاة لاقى الاسد
فحب يعمل راجل قدام خطيبته فراح للاسد قاله: انت يا حيوان
الاسد رد قاله: انت بتشتمنى انا ؟؟
رد الفار وقاله: ايوة بقلك انت
و مشى الفار وراح وصل خطيبته لبيتها
وهو راجع قابله الاسد قالوا : انت كنت بتشتمنى انا يا فار؟؟
قالوا: لا والله دا انت ملك الغابة هو حد يقدر يشتمك؟؟
أنا بس كنت بعمل شويتين كدا قدام البت .. انا اسف وهات راسك ابوسها
طلع الفار على راسوا عشان يبوسها فلقى خطيبتوا معديه
فقال للاسد: ادوس على دماغ امك دلوقتى؟؟؟

--------------------------
فصل كله حولان بعيد عنكم
و كل واحد بيكتب في كشكول اللي جنبه
المدرسة قالتلهم اللي هايكتب في كشكوله هاديه شكولاتاية
واحد كتب في كشكوله فرحت بيه واديته الشكولاته قام حطها في بؤ اللي جنبه

--------------------------
واحدة زعلانة قوي من جوزها علشان شباك الحمام مكسور ومش راضي يصلحه
فبتقوله: يرضيك حد يشوفني وانا باستحمى؟؟
قالها ياستي اللي هايشوفك هايصلح الشباك بنفسه

--------------------------
في واحد قاعد في القطار سأل اللي جنبوا أنت بتشتغل إيه
قاله فناااان
قاله فنان يعني بتغني؟ قاله لأ
قاله بترسم؟ قاله لأ
قاله فنان إيه؟ قاله فناااااان .. بحط االعيش في الفنن

--------------------------
مرة أربعة بلدياتنا راحوا فرح
الأول: نقط بخمسة جنيه و ضرب طلقة رصاص
الثانى:-نقط بعشرة جنيه و ضرب طلقتين
الثالث: نقط بخمستاشر جنيه و ضرب 3 طلقات
أبوهم الراجل الكبير بقى عايز يعمل منظر راح منقط بـ ميت جنيه و رمي قنبلة

--------------------------
مره واحد بيحلف بالطلاق كتير
ابوه ضربه وقاله هاتحلف بالطلاق تاني ؟
!! قال له: عليا الطلاق منا حالف بالطلاق تاني

--------------------------
بيقولك مره واحد بخيل
ابنه: بابا انا عايز 50 قرش
أبوه: انت عايز 40 قرش هاتعمل ايه بال 30 ممعاييش غير ريال تاخد بريزه
وقعت
--------------------------
مرة واحدة كل ماتشوف جوزها تقولوة ياعم روح هات
هات لنا مروحة هات لنا تلاجة هاتلنا غسالة هاتلناااا هاتلنااا هاتلناااااا
المهم قالها انتى ايه ياشيخة انتى مافيش مرة تقولى خد ؟
قالتلوة طيب خد التلفزيون صلحه

--------------------------
ابو العربى فى حرب اكتوبر راكب فلوكه فى القنال وبيحكى ويقول
لقيت فوقى واد طيار اسرائيلى اول ما شفنى حدف عليا صاروخ قمت زقيته
راح حادف واحد تانى وطيت راسى راح جاى فى الفلوكه
وقعت فى المية واتشعلقت فى خشبة وقعت اجدف بيدى
حدف عليا صاروخ تانى قمت غاطس فى القنال
برده لقيته نازل بالطيارة عليا وقرب منى خالص وحدفلى سيجارة مارلبورو وقال لي جدع يلاااا

--------------------------
مره اتنين داخلين محل جزم هو ومراته
فقال لصاحب المحل هتلها جزمه زحافي قالتله لا بكعب
قالها لا زحافي قالتله لا بكعب
فصاحب المحل زهق منهم قال للراجل ياعم هاتلها بكعب هو انت اللي بتلبس
قالوا ياعم انت مالك هو انت اللي بتضّرب

--------------------------
مرة واحد اشترى غسالة فول أوتوماتيك
مراته عزمت الجيران علشان يشوفوها حطت في الغسالة 20 كيلو غسيل
والغسالة يا عيني بتاخد بس 7 كيلو بس
وشغلتها والجيران باركولها وعزمتهم على كباية شاي
وبعد شوية الغسالة بدأت تنشف الغسيل ومن كتر الحمل عليها قعدت تتحرك ناحية البلكونة
شفتها مرات صاحبنا قامت جريت عليها وقالت لها والله ماانت نشره الغسيل أنا اللي حنشره

--------------------------
اتنين متجوزين كل ما يخرجوا فى حته مراته تقوله عايزة اروح جنينة الحيوان عند القرود
لغاية يوم الولادة دخلت تولد و لما الممرضة خرجت سألها الاب اية ولد ولاّ بينت؟
فقالت له الحقيقة يافندم ملحقناش نعرف .. اول ما المولود نزل نط من الشباك

ش